كفتة داوود باشا بسهولة

من الوصفات السهلة المحبوبة 
تقدم مع ارز ابيض بطاطس محمرة وسلطة خضرا

المكوّنات

1. لحمة مفرومة
2. بصل و ثوم مفروم حسب كمية اللحمة
3. حبة صغيرة فلفل رومى
4. عصير طماطم و صلصلة
5. ملح ،فلفل اسود،كمون،كزبرة فريش او جافة
6. زيت

الخطوات

1. بنفرم البصل و الثوم و نشيل منهم ملعقتين كبار على جنب عشان حنحتاجهم بعدين☺️

   

    

   

    
2. نفرم اللحمة المفرومة برضه فالكبة و معاها الفلفل الرومى و بعدين نضيفهم على البصل بالثوم و نضيف جميع التوابل. ملح و فلفل اسود و رشة كزبرة و رشة كمون ونعجنهم كلها مع بعضها 🙂ليه فرمت اللحمة تانى فالكبة!؟عشان متفكش منى الكفتة فالنار و عشان مضطرش احط دقيق او بقسمات فخلطتها لان حتمسك ولكن حيتسبب فى ثقل فالصلصة مش حنحبه خالص😞

   

    

    
3. بعد مخلطنا كله و شكلنها على شكل كور مدورة حنحط شوية زيت مش كتير و ننزل الكفتة تقلى او تاخد تحميرة كويسة ونطلعها نصفيها و فنفس الزيت انزل البصل بالثوم اللى شلناه على جمب فاكرين☺️ ياخد تحميرة وانزل عليه بعصير الطماطم و معلقتين صلصلة حلوين😉 ونضيف رشة من الملح و الفلفل الاسود و الكمون او تستبدلى البهارات بمكعب مرقة ولكن انا بفضل البهارات👍وتقلبيهم وتحطى الكفتة و ماشاءالله تغلى غلوتين تتسبك بالكفتة و تقدميها بألف هنا وشفا ♥️😋 يا رب تعجبكم و اكون افادتكم ولو بشىء بسيط